Удинезе ја продолжи негативната серија на Милан (Видео)

Златан Ибрахимовиќ го предводеше Милан како капитен во стартниот состав и постигна гол за престижен рекорд, но не успеа да спречи неуспех на „росонерите“ на гостувањето кај Удинезе (3:1).

Амбициозниот домаќин поведе со голот на Переира уште на стартот, а во финишот на првиот дел се случуваше вистинска драма на „Фриули“.

Најпрвин, Силвестри го одбрани пеналот на Ибрахимовиќ, но судиите решија дека треба да биде изведен одново, по што Швеѓанецот не погреши и стана највозрасен стрелец во историјата на лигата.

Сепак, Удинезе брзо се врати по шокот и со голот на Бето во судиското надополнување, дојде до предност од 2:1 на полувреме.

Во вториот дел гостите не успеаја да израмнат, а Ехизибуе ги постави конечните 3:1 на дваесетина минути до крајот.

Милан освои само бод на последните три средби во домашното првенство, па заостанува дваесет бода зад Наполи, кој има и натпревар помалку.

Златан за историја: Ибрахимовиќ постигна гол за престижен рекорд во Серија А (Видео)