Тевез не му честитал на Меси за титулата: Не го следев СП…

Аргентина по долга пауза конечно дојде до пехар на Светските првенства, резултат кој беше бурно прославен во земјата на „гаучосите“.

Со големо внимание се следеше секој меч на Аргентинците, меѓутоа легендарниот Карлос Тевез не бил од оние негови сонародници кои внимателно го следеле Мундијалот во Катар.

Карлос признава дека Франција била негов омилен состав на шампионатот, но и дека се уште не го исконтактирал Лео Меси за да му честита за титулата.

-Не го следев многу Светското првенство во Катар, но многу ја гледав Франција, бидејќи тоа беше репрезентација што ми се допаѓаше. Не му пишав на Меси затоа што телефонот сигурно му експлодирал. Многу ме радува што моите деца ги прославија неговите голови, -порача Тевез преку „Радио Митре“.