Поврзете се со нас

Македонија

Суспензија и кривична пријава за полицаецот кој со пендрек го удри Талески (ВИДЕО)

Објавено

на

Финалето на Купот на Македонија заврши со победа на Вардар 1961 над Еурофарм Пелистер, но по крајот на мечот видовме една мешаница при која реагираше полицијата при што еден од органите на редот отиде предалеку и со пендрек го удри Филип Талески.

Вардарецот се пожали на социјалните мрежи: Талески доби пендрек во глава од полицаец во Охрид (Видео)

Овој негов потег наиде на големи реакции, осуда, па сега се огласи и Министерството за внатрешни работи (МВР) која информираше дека против полицаецот (лицето Х.Р) е поднесена кривична пријава за „малтретирање во вршење на службата“, а воедно ќе биде суспендиран од работа додека трае дисциплинската постапка.

-Одделот за внатрешна контрола, криминалистички истраги и професионални стандарди до Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење организиран криминал и корупција – Скопје, поднесе кривична пријава против Х.Р., вработен како полициски службеник во полициска станица на подрачје на СВР Охрид, поради постоење основи на сомневање дека сторил кривично дело „малтретирање во вршење на службата“, по член 143 став 1 од Кривичниот законик.

Имено, пријавениот на 13.05.2023 година, околу 20.00 часот во Спортската сала „Билјанини извори“ во Охрид по завршување на ракометен натпревар, при вршење на службата со умисла извршил малтретирање врз оштетениот Ф.Т. на начин што неосновано и прекумерно употребил средства за присилба врз него.

Одделот за внатрешна контрола, криминалистички истраги и професионални стандарди, како овластен предлагач, против Х.Р. ќе покрене постапка за утврдување на дисциплинска одговорност, а работникот ќе бидат суспендиран од работа до завршување на дисциплинската постапка, -стои во соопштението на МВП.

Реклама
Реклама
Реклама

Популарни