Судијата кој му донесе среќа на Сити против Реал ќе го суди големото финале во ЛШ

УЕФА ги одреди сите градови домаќини за големите финалиња во своите натпреварувања, а денеска ги делегираше и судиите кои ќе ја имаат последната одлука на натпреварите во Истанбул, Будимпешта и Прага.

Европската куќа на фудбалот денеска ја извести јавноста дека се избрани три елитни судии, но дефинитивно најголемо внимание привлече делегирањето за големото финале во Лигата на шампионите.

УЕФА нема навика да делегира судии кои имале важна арбитража во полуфиналињата, но сега направи исклучок и му се довери на Симон Марчињак. Полјакот го судеше реваншот против Манчестер Сити и Реал Мадрид и им донесе среќа на „граѓаните“ во битката со „кралевите“, а сега ја доби честа да ја дели правдата и на големото финале на 10-ти јуни.

Марчињак дефинитивно има сезона за паметење во својата судиска кариера, бидејќи беше поставен на центарот и беше главен арбитар на големото финале на Светското првенство меѓу Аргентина и Франција.

Во финалето во Лигата на Европа каде ќе се сретнат Рома и Севилја главен судија ќе биде Ентони Тејлор, додека во Конференциската лига правдата ќе ја дели Дел Серо Гранде на пресметката меѓу Фиорентина и Вест Хем.

⚽ The referees for this season's UEFA club finals:#UCLfinal: Szymon Marciniak 🇵🇱#UWCLfinal: Cheryl Foster 🏴󠁧󠁢󠁷󠁬󠁳󠁿#UELfinal: Anthony Taylor 🏴󠁧󠁢󠁥󠁮󠁧󠁿#UECLfinal: Carlos Del Cerro Grande 🇪🇸

Full story: ⬇️

— UEFA (@UEFA) May 22, 2023