Стоперот на Реал со „подвижно диско“ вредно 400 илјади евра пристигна на тренингот во Валдебебас (Видео)

Валдебебас тренинг центарот често знае да биде место на кое парадираат страшни и скапи автомобили, но иако во најголем дел од случаите играчите на Реал Мадрид доаѓаат со автомобили од клупскиот спонзор (Ауди), повремено има и исклучоци како оној денеска.

Бразилецот Милитао не се докажа премногу со своите изданија во белиот дрес, но иако е прерано да се суди за неговите партии во шпанската престолнина, од денешното видео може да се заклучи дека е голем фан на спортските автомобили.

Милитао се издвои од соиграчите и пристигна на ренингот со автомобил вреден 400 илјади евра, но на новинарите внимание им привлече и еден друг момент.

Стоперот на Реал Мадрид од своето Ламборгини Авентадор направи подвижно диско, односно со пуштена музика до максимум мина низ портата на Валдебебас пред која стојат новинарите и фановите.

Ова не е првпат еден играч на Реал да се истакне со својот скап автомобил, но дефинитивно Милитао има чуден начин на опуштање пред одработување на вообичаениот тренинг.