Помошникот на Неш и Бруклин добија парични казни за нестварниот потег на дуелот со Вашингтон

Дејвид Вантерпул е асистент на Стивен Неш во стручниот штаб на Бруклин, а деновиве е поактуелен од својот претпоставен поради неспортскиот потег на дуелот со Вашингтон.

Вантерпул пресече една топка при акција на Вашингтон, судиите не го забележаа тој потег, а оштетената екипа немаше право на „челинџ“ за судиите дополнително да ја проверат ситуацијата.

НБА реши да го казни Вантерпул со 10.000 долари, додека Бруклин ќе плати казна од 25.000 долари, суми кои се повеќе од симболични за оваа лига.

– Не можам да поверувам што се случи. Во мојата долга кошаркарска кариера не сум видел ваква ситуација, па уште и судиите да не ја видат, – изјави Џозеф Блер, поранешен играч и член на стручниот штаб на Вашингтон.

Вантерпул го направи потегот при резултат 109:103 за неговиот тим, а на крајот Бруклин победи со 119:118.

НБА или селска лига? Тренерот на Бруклин прекина акција на Вашингтон, судиите не се огласија (Видео)