НБА или селска лига? Тренерот на Бруклин прекина акција на Вашингтон, судиите не се огласија (Видео)

Бруклин на драматичен начин го победи Вашингтон на гостувањето со 118:119, но домашните навивачи и играчи дефинитивно имаа причина зошто да бидат бесни во овој пораз.

Во моментите кога се кршеше резултатот во четвртата четвртина, судиите имаа еден голем превид на сцена која не е карактеристична за НБА лигата, а за која дефинитивно треба да добие дополнителна казна помошникот на Стив Неш.

Тренерот на Бруклин беше кокректен како и обично и во победа и во пораз, но неговиот помошник Дејвид Вантерпул ја прекина акцијата на противникот во последниот период, а судиите не го забележаа тоа.

Кузма не можеше да поверува што гледа и веднаш направи прекршок за да ја прекине акцијата на гостите, но судиите не ја прегледаа претходната ситуација и топката остана за Бруклин.

Оваа судиска неправда навистина ги разочара членовите на Вашингтон, кои на крајот претрпеа и болен пораз од еден поен разлика.

Uhhhhm, that's not allowed…#WizNets | #DCAboveAll pic.twitter.com/h6TWaI5oxl

— NBC Sports Wizards (@NBCSWizards) January 20, 2022