Милевски ја одбра стартната постава: Адеми останува на клупа, Миовски и Трајковски ќе ја напаѓаат Малта (Фото)

Македонија ќе брка победа против Малта за најдобро отворање на квалификациите за Европското првенство, а тоа ќе мора да го оствари без Аријан Адеми во стартната постава.

Досегашниот капитен на Динамо се повреди на последниот тренинг и се пожали на болки, па за да не се ризикува, селекторот Благоја Милевски го остава на клупата за резерви.

Самиот тек на мечот ќе открие дали Адеми ќе добие шанса на вечерашниот натпревар, но на еден час пред пресметката стана јасно дека неговото место во стартниот тим ќе го заземе Јани Атанасов.

Селекторот Милевски се одлучи за доста проверена формација и нема никакви експерименти, па со 3-4-3 поставеност ќе чека најдобар одговор од следните 11 фудбалери:

Димитриевски, Велковски, Муслиу, Зајков; Алиоски, Ристовски, Атанасов, Барди, Елмас, Миовски, Трајковски