Медведев со разорен сервис го искрши електричниот билборд во Ротердам (Видео)

Данил Медведев ја освои титулата во Ротердам и стигна до 16-от трофеј во својата професионална кариера, откако вчера успеа да се врати од сет негатива и да слави со пресврт.

Русинот најде решение за надежниот Јаник Синер и со серија од 5:0 го приведе мечот во своја полза, па така на крајот славеше со 5:7, 6:2 и 6:2.

Поранешниот светски рекет број еден покажа дека полека се враќа во форма по кризниот период кој го имаше во последно време, но за време на финалето, го понуди и најинтересниот момент.

Данил е познат по својот силен сервис кој често знае да биде недофатлив за ривалите, но силата на ударот вчера беше кобна и за електричната реклама во Ротердам.

Медведев успеа да ја искрши рекламата со својот силен сервис, па мораше да реагира еден од техничарите за да продолжи мечот во нормален тек.

Daniil Medvedev's serve 𝘽𝙍𝙊𝙆𝙀 the electric billboard 😂@DaniilMedwed | #abnamroopen pic.twitter.com/kVk1ocrN0Y

— Eurosport (@eurosport) February 19, 2023