Фабрегас: Ова што се случува во ЛШ е чиста случајност

Сеск Фабрегас работи во Италија и се калеми како новопечен фудбалски стручњак, но иако главниот фокус му е на „чизмата“, поранешниот играч за врска ги следи сите останати случувања во Европа.

Крајот на месец април и цел месец мај ќе донесе разврска на најважните натпреварувања во Европа, каде покрај националните првенства, ќе добиеме одговор и за тоа кој ќе царува во Лигата на шампионите и Лигата на Европа.

Оваа сезона во полуфиналињата ќе нема англиски екипи и тоа многумина го гледаат како голем пораз за Премиер лигата, но Фабре не крева паника и смета дека тоа е само чиста случајност.

– Тоа што нема англиски екипи во Лигата на шампионите и Европа е чиста случајност. Премиер лигата и натаму останува најдобра лига во свеотот, тоа е лига со најголема конкуренција и со најдобрите играчи и тренери во светот. За мене ова е чиста случајност, – вели Фабрегас, кој вели дека посебно ќе следи и едно полуфинале во Лига Европа.

– Рома против Баер Леверкузен ќе биде многу добар двомеч. Баер Леверкузен има извноредна сезона и ќе ги брка сите трофеи откако славеше во Германија, но Рома забележа голем напредок со Де Роси како тренер. Тоа ќе биде интересен дуел и јас ќе бидам „закован“ пред телевизорот, – откри Шпанецот.