Матеус: Ова е најдобар тим на Баерн во историјата, но е само трет фаворит за трофејот во ЛШ!

Лотар Матеус будно ги следи сите случувања во Баерн Минхен и често ги споделува своите мислења со јавноста, а ставовите обично се максимално искрени и објективни.

Легендарниот играч на Баерн пред две-три години знаеше да ја критикува политиката која ја водат Хасан Салихамиџиќ и неговите помошници на трансфер пазарот, но сега вели дека Брацо завршил одлична работа во последно време и според него овој Баерн го има најдобриот тим во историјата.

– Кога сите играчи се здрави, ова е најдобриот тим на Баерн во историјата. Кога го велам ова, велам за самиот квалитет на играчите и целиот тим. Баерн сега во ростерот има 20 играчи кои можат во секој момент да играат во стартната постава.

– Во мое време имаше само 13 такви играчи, а потоа 16 или 17. Затоа Нагелсман сега може комотно да прави пет измени и да нема никаков проблем. Пред две години го критикував Баерн бидејќи во тимот немаше голем квалитет. Не велам дека тоа се промени поради моите критики, но очигледно е дека во клубот почнаа да работат на тоа. Беа активни на трансфер пазарот и секоја чест за Брацо Салихамиџиќ.

– Сепак, големите имиња не го освојуваат пехарот во Лигата на шампионите, тоа го прави најдобриот тим. Пред мечот со ПСЖ нагласив дека овој Баерн може да го освои трофејот. Баерн е еден од фаворитите, но не е прв фаворит, туку трет. Пред нив се Реал Мадрид и Манчестер Сити, а не смееме да ги потцениме Бенфика и Наполи, – завршува Матеус.