„Макпетрол“ се врати со осум медали од силниот карате турнир во Бјелина (Фото)

Карате клубот Макпетрол – Скопје изминатиов викенд зема учество на меѓународниот карате турнир НОЌ НА ШАМПИОНИТЕ 2022 , кој се одржа во Бјелина, Босна и Херцеговина.

Македонскиот клуб испрати 10 натпреварувачи во Бјелина на турнирот на кој учество земаа 639 спортисти од 10 различни држави, а оттаму се врати со осум освоени медали.

Медалите беа освоени во тешка конкуренција, а од осум одличја, четири беа сребрени и четири бронзени.

1.Ангела Мојсовска сребрен медал , сениорка +68 кг
2. Стефан Стојанович сребрен медал, сениор +84 кг
3. Витомир Трајковски сребрен медал , сениор -84 кг
4. Јована Мицовска сребрен медал , Јуниорки -59 кг
5. Петар Заборски бронзен медал, сениори -75 кг
6. Давид Петков бронзен медал, сениор -75 кг
7. Викторија Јовановска У21 -61 кг
8. Викторија Јовановска сениорки, -61 кг
Спортистите Глигор Петков, Димитар Лозановски, и Данило Божовиѓ не успеаја да освојат медал на овој силен турнир.

– Овој турнир за нас имаше пред се контролен карактер. Контролата ја направивме во извонредна конкуренција со квалитетни натпреварувачи од Србија и Црна Гора и комплетната репрезентација на Босна и Херцеговина. Задоволни сме од моменталната спортска форма, која во моментов уште не е на највисокото ниво. Сите спортисти кои настапија имаа по повеќе борби во своите тежински категории и тоа со добри и квалитетни натпреварувачи. Затоа точно можевме да ги видиме сите предности кои ги имаме но и недостатоците кои треба да ги поправиме. За сениорите ова беше одлична контрола, бидејќи тие на 25 септември заминуваат за Турција , да земат учество на Светските универзитетски игри на боречки спортови кои ќе се одржат во Самсун, – гласи изјавата на тренерот Бошко Заборски.