Лидерот падна во „Палау Блауграна“: Барселона му го нанесе првиот пораз на Фенербахче (ВИДЕО)

Екипата на Барселона излезе како победник од дерби пресметката со Фенербахче во Евролигата.

Шпанскиот вицешампион се избори за триумф од 81-80 во „Палау Блауграна“, односно со ова стана првиот тим кој сезонава му зема мерка на Фенербахче во елитното кошаркарско натпреварување. Иако резултатот на крај е тесен, домаќините сосема заслужено го добија овој натпревар во кој прво име беше аргентинскиот репрезентативец Лапровитола со 26 поени на кои придодаде 7 асистенции.

Најголема негова поддршка беа Калиниќ со 14 и центарот Тоби со 13 кошеви. Кај поразените се истакна Мотли со 23 поени.

Резултати:

Жалгирис-Алба Берлин 88-81

Олимпијакос-Валенсија 82-83

Монако-Црвена Звезда 85-77

Виртус Болоња-Асвел 79-84