Клоп го најави заминувањето на играч на Ливерпул и порача: Тој е наша легенда

Стратегот на Ливерпул, Јирген Клоп уште еднаш имаше само пофални зборови до еден од играчите кои со сигурност ќе си заминат од клубот по крајот на сезоната.

Станува збор за белгискиот репрезентативец, Дивок Ориги чиј договор наскоро истекува и тој како слободен агент ќе ја промени средината.

Веќе е јасно дека Ориги кариерата ќе ја продолжи во Милан, клуб со кој ги договорил сите детали за трансфер уште на почетокот на преодниот рок.

– Очекувам Див да добие специјално простување. За мене, тој секогаш ќе биде легенда на Ливерпул. Ми беше задоволство да работам со него.

– Тој е еден од најважните играчи кои сум ги имал. Каде и да оди ќе биде успешен, сигурен сум во тоа. Ќе биде тешко кога ќе замине. Тој е легенда на Ливерпул, без сомнеж, -заклучи Клоп.