Капитенот Гајиќ го продолжи договорот со Голден Арт

Поранешниот јуниорски репрезентативец и капитен на старо новиот член на Голден Арт, Глигор Гајиќ го продолжи договорот со клубот за наредните две години.

Ракометарот од Струга пристигна во Голден Арт во јуни 2020 година и притоа се профилираше во еден од носителите на играта на тимот, а со својата посветеност, професионалност и верност, од стартот на последнава сезона го заслужи и статусот капитен на тимот.

– Задоволен сум што ја остваривме целта и експресно се вративме во супер лигата, чест ми е што ја продолжуваме соработката со клуб кој премногу вложува во македонските играчи и придонесува за развојот на ракометот во Македонија. Гледам само позитивно и оптимистички за иднината на клубот во супер лигата, ќе работиме напорно, професионално и заедно чекориме кон нови успеси во супер лигата – изјави Гајиќ за официјалните друштвени мрежи на клубот од Општина Аеродром.

Глигор Гајиќ својата ракометна кариера ја стартуваше во родната Струга, од каде премина во скопски Металург, а последните две години настапуваше за Голден Арт. Договорот со Голден Арт е со важност до јуни 2024 година.

Со овој потег и склучување на соработка со Гајиќ, Голден Арт покажува дека клубот и во иднина ќе ги вреднува македонските играчи, давајќи им можност за надградба и формирање при настап во највисок ранг на натпреварување.