Ибрахимовиќ не му зборувал на Галијани по трансферот во ПСЖ: Му реков…

Златан Ибрахимовиќ од минатата година го живее вториот мандат во Милан и засега одлично му оди и е еден од најзаслужните играчи за добрите резултати на клубот кои вистинска кулминација би доживеале секако со освојување на титули.

Дали тоа ќе се случи останува да видиме, но во меѓувреме Ибра говореше за првиот престој во Милано и моментот кога од Адријано Галијани бил продаден во ПСЖ.

-Го сакам Галијани. Имаме посебна врска. Не бев среќен во последниот месец во Барселона и тој ме донесе во Милано каде ми с еврати наслевката. Јас го нарекувам „ШЕФ“. Имавме состанок на крајот од кампањата 2011-12 година и му реков да не ми се јавува цело лето, бидејќи знаев дека ќе го стори тоа само за да ме испрати во друг клуб.

-Се беше добро до два дена пред сезоната, Галијани ми се јави и мислев дека сака само да знае како се чувствувам. Наместо тоа ме испрати во ПСЖ. На крајот добро се чувствував во Париз, но не разговарав со него неколку месеци, -обелодени Ибрахимовиќ.