Галтие го „закачи“ Нејмар: Примивме глупав гол…(ВИДЕО)

Пари Сен Жермен остана без можност за еден трофеј во оваа сезона и тоа во Купот на Франција каде доживеа елиминација од Олимпик Марсеј во осминафиналната рунда.

Во пеколна атмосфера на „Велодром“ домаќините славеа со 2-1 и тоа со погодокот, „бомбата“ која во вториот дел ја испрати Руслан Малиновски. Овој гол дојде по обидот на Нејмар да си поигрува на дел од теренот каде што не е потребно, па поради тоа критики имаше од тренерот Кристоф Галтие.

-Првото полувреме беше многу отворено. За жал во вториот дел примивме глупав гол на допир за нас во последните 20 метри. Од тој момент Марсеј се постави на низок блок со многу транзиција, тука многу грешевме, -рече Галтие кој го пофали Нејмар за придонесот во првиот дел.

-Во првиот дел, тој ги пронајде вистинските простори, испорача добри топки. Потоа беше покомплицирано за него, но и за сите, -истакна предводникот на „светците“.