Дортмунд продолжи да победува и ја презема лидерската позиција во Бундеслигата (ВИДЕО)

Фудбалерите на Борусија Дортмунд најмалку до утре ќе бидат на лидерската позиција во Бундеслигата, позиција која ја преземаа откако продолжија со победничката серија и го совладаа Хофенхајм на денешното гостување.

„Милионерите“ редат триумфи во сите натпреварувања во 2023 година, а најновиот дојде во лигата и тоа со голот на одличниот Брандт во 43 минута. Ројс ја имаше улогата на асистент, поточно по неговата топка Брандт стрелаше со грб на вистинското место.

4 – In today's game against TSG Hoffenheim, Borussia Dortmund's Julian Brandt scored in his fourth Bundesliga game in a row – no other BL player has managed such a long scoring streak in 2023. Run. #TSGBVB pic.twitter.com/QeW7PkY76J

— OptaFranz (@OptaFranz) February 25, 2023

Ова за Јулијан е четврти меч во низа на кој дава гол во Бундеслигата, серија која ниту еден играч ја нема во 2023 година.

Сега Дортмунд има 46 бода, три повеќе од Баерн и Унион Берлин кои утре се соочуваат во дербито на „Алијанц Арена“.

РБ Лајпциг со 2-1 беше подобар од Ајнтрахт Франкфурт, Херта и Вердер беа подобри од Аугзбург и Бохум, додека Волфзбург ја одбрани честа на гостите со славјето над Келн од 2-0.