Брендан Роџерс импресиониран од работата на Арсенал: Секој може да го види тоа

Стратегот на Лестер Сити, Брендан Роџерс упати пофални зборови за работата на Арсенал на трансфер пазарот.

„Топчиите“ одлично се покажаа во овој преоден рок и донесоа играчи кои му беа потребни на Микел Артета и кои значително го подигнаа квалитетот на тимот.

Тоа го воочи и Роџерс кој со својот Лестер загуби од Арсенал со 4:2 во натпревар кој беше одличен за гледање поради отворениот фудбал на двете страни. Стратегот ги пофали „топчиите“ за ангажманот на Жезус, Зинченко и Салиба.

– Секој може да види, кога ќе донесете играч од светска класа како Жезус,  тоа е засилување кое нуди нов квалитет, но и кое пренесува нешто на останатите фудбалери. Го донесоа и Зинченко, кој исто така дојде од победничка средина во која секојдневно играше со најдобрите. Тренираат како кучиња и мора да бидат на најдобро ниво за да се носат со останатите од тимот.

– И младиот Салиба се врати и игра навистина, навистина добро. Не го имав видено откако имаше 18 години. Тоа што донесоа тројца нови играчи во првиот тим прави голема разлика. Посебно кога тие играчи се квалитетни, -заклучи Роџерс.