Борец за првпат го победи Вардар во Скопје на премиерата на новата сезона

Тимот на Борец за првпат во својата историја успеа да победи на едно гостување во Скопје против Вардар, откако ова попладне сосема заслужено ги однесе трите бода од Националата фудаблска арена „Тодор Проески“.

Гостите од Велес делуваа далеку поподготвено од противникот кој имаше турбулентно и неизвесно лето, а интересно е тоа што единствениот погодок на мечот го видовме уште во втората минута од средбата.

По една длабочински прецизна топка, Никола Радовиќ погоди за 0:1 по две минути игра, а тоа беше само најава за доминацијата на гостите во првиот дел. Прелчец не искористи три зрели шанси за зголемување на водството до крајот на полувремето, а изгледна прилика имаше и стрелецот на голот, Радовиќ.

Во недостиг на идеја и креирање на шанси на теренот, Вардар единствено се закани во 56-та минута, но фантастичниот удар на Мицевски од прекин одлично го одбрани голманот Мустафа.

На спротивната страна, вардарци во уште неколку наврати имаа среќа, па така првиот натпревар на премиерата од 29-то фудбалско првенство во Македонија заврши со резултат 0:1.