Во моментите на слава, Ливаковиќ не го заборава оној кој му помогна кога беше на дното: Модриќ е посебна личност (Видео)

Хрватска успеа да победи на тешкото гостување во Турција и славеше благодарение на двата гола на Матео Ковачиќ, пред кои до израз посебно дојде Доминик Ливаковиќ со две страшни интервенции.

При резултат 0:0, голманот на Хрватска режираше две бравурозни одбрани и го сочува својот гол, по што им овозможи на соиграчите да се приберат и први да поведат, што беше и клучно за триумфот.

Селекторот Далиќ по натпреварот го пофали голманот и истакна дека тој ги оставил во игра при лошиот почеток, а во моменти кога има голема слава во родната земја и кога се смета за незаменлив во националниот тим, Ливаковиќ реши да се потсети на еден незаборавен говор од Модриќ.

Лука го мотивирал Доминик кога го допрел дното и тоа беше прикажано од хрватскиот фубалски сојуз за време на Светското првенство, а видеото повторно стана вирално поради најновата изјава на голманот.

– Јас не гледам твој напредок во репрезентацијата, можеби притисокот ти пречи? Оддаваш несигурност кај момците…. Што ако погрешиш, сите грешат, кажи ми еден што не греши… Моето чувство е дека ти се плашиш од грешка. Треба да знаеш дека ти си голманиште, – гласи говорот на Модриќ, кој сега повторно го коментираше Ливаковиќ.

– Лука е голем и како играч и како човек. Тогаш редот ми дојде на мене, но тој така разговара со сите. Можам да му бидам благодарен за тоа што го направи за мене, Модриќ е посебна личност, – изјави Ливаковиќ.