Вардар и Алкалоид според планот во Суперлигата

Вардар еднсотавно нема конкуренција во својата група во Суперлигата и стигна до 12 од 12 во домашното првенство, остварувајќи нова рутинска победа над тимот на Охрид.

„Црвено-црните“ оваа сезона беа предизвикани само во два наврати од Алкалоид, тим кој по новиот пораз од Вардар, повторно се врати на победничките патеки и продолжи според планот.

Вардар не форсираше и одигра онолку колку што му е доволно за нови бодови против Охрид, а во победата од 32:25 посебно се истакна Манасков со осум гол, следен од Моралес и Талески кои постигнаа по шест погодоци.

На другиот меч, Алкалоид беше далеку поубедлив и повторно одигра меч со многу голови, а цената ја плати Струга која загуби со 44:29.

Серафимов постигна осум гола во победата на момците на Кирил Лазаров, а одлични беа и Петковски и Кофиловски со по седум реализации.