Уште една победа: Реал Мадрид ја доби битката за најголемиот бразилски фудбалски талент (ВИДЕО)

Шпанскиот великан Реал Мадрид во изминативе години успеа да направи неколку одлични потези со ангажирање на млади талентирани играчи од Јужна Америка, а најдобар доказ за тоа се Винисис Жуниор и Родриго Гоеш за кои плати „солена“ сума за да ги ангажира како тинејџери, ама еве сега тие се супер важни за клубот.

Како што стојат работите „кралевите“ успешно завршиле уште еден трансфер, операција за најголемиот бразилски талент за кого се „тепаа“ доста клубови. Секогаш добро информираниот Фабрицио Романо пренесува дека Реал постигнал договор за услугите на 16 годишниот Ендрик Фелипе од Палмеираш.

Постигнат е вербален договор и се очекува сите документи за бидат потпишани до крајот на годината. Се работи за севкупна сума од 72 милиони евра (60+12) со сите даноци.

Се очекува новото чудо од дете да му се приклучи на Реал во 2024 година.