Тоти за неверојатната сезона на Спалети и Наполи: Имаат и среќа…

Франческо Тоти сериозно го наруши односот со Лучијано Спалети и токму поради него замина во пензија, но неколку години подоцна, искусниот стручњак се наоѓа пред својата прва титула во Серија А.

Лучијано и неговите играчи имаат се во свои раце за да го освојат Скудетото и оваа сезона изгледаат недопирливи во италијанската елита, за што говорат и бројките кои велат дека Наполи има 19 бода предност пред второпласираниот Лацио.

Елиф Елмас и соиграчите имаат сезона од соништата и ги делат само 11 кола од големо славје, па додека наполитанците се подготвуваат за прослава, Франческо Тоти смета дека Наполи оваа сезона едноставно немал достоен ривал во домашното првенство.

– Знаев дека Наполи е добар тим со добар тренер, тоа е навистина добра комбинација. Тие го дадоа најдоброто од себе оваа сезона, но имаа и среќа поради тоа што никој не ги брка од позадина.

– Кога јас играв активно фудбал, Јувентус и Интер имаа по 20 победи ако ние имавме 19. Тоа не беше случај оваа сезона и Наполи едноставно не беше предизвикан, – смета Тоти.