Тен Хаг потврди дека повредата на Антони е сериозна, Сколс посочи кој треба да го замени во финалето

Манчестер Јунајтед го потврди топ четири пласманот со триумфот над Челси и владееше славеничка атмосфера на „Олд Трафорд“, но сепак овој меч донесе и една неповолна вест за менаџерот Ерик Тен Хаг.

Бразилецот Антони заработи непријатна повреда и изгледаше дека станува збор за сериозна работа, нешто што меѓу редови го потврди и самиот менаџер на Јунајтед по победата од 4:1

– Тешко е да се каже за што точно се работи, ни изгледа сериозно. Да бидеме објективни, мора да почекаме 24 часа и потоа ќе знаеме повеќе за што точно се работи, – изјави Тен Хаг.

Со оглед на тоа што има само девет дена до финалето со Сити во финалето на ФА Купот, голема е веројатноста дека Антони ќе остане без овој дуел, а Пол Сколс веќе даде предлог кој треба да игра место него.

– Сметам дека Санчо изгледа навистина добро во последно време. Малку и ми е жал за сезоната која ја имашево првиот дел, но сега изгледа фит, подготвен и делува самоуверено. Сметам дека тој треба да биде избор во финалето, – вели Сколс.