Поврзете се со нас

АТП

Тажен ден во „белиот спорт“: Почина легендарниот Болетиери

Објавено

на

Foto:twitter.com/NickBollettieri

Светската тениска јавност денеска се разбуди со една жална вест поврзана за еден од најпознатите тренери во „белиот спорт“, бидејќи легендарниот Ник Болетиери починал на 91-годишна возраст во својот дом.

Човекот кој важи за основоположник на модерните академии во светот на тенисот имаше една од најпознатите тениски школи и од истата излегоа огромен број звучни имиња, а во неговата листа на играчи/ки кои им помагаше беа Андре Агаси, Моника Селеш, Џим Куриер, сестрите Вилијамс, Марија Шарапова, Мери Пирс, Борис Бекер, Томи Хас и многу други.

Како што информираат светските медиуми, Болетиери имал проблем со инфекција на бубурегот и здравствената состојба значително му се влошила во последно време, а за жал тенискиот свет денеска загуби една од најголемите тренерски легенди.

Болетиери својата кариера како тренер ја стартувал во Порторико на крајот на 60-тите години на минатиот век, а потоа својата прва академија за тенис ја отворил на Флорида во 1978-ма година.

Болетиери ќе остане во добро сеќавање на сите големи тениски ѕвезди кои соработуваа со него, но ќе се памети и по тоа што беше првиот човек кој направи иновација во академиите, односно направи младите играчи да живеат и учат во неговата тениска академија, концепт кој до него никој не го применуваше.

Реклама
Реклама
Реклама

Популарни