Таунс му пресуди на Њујорк, Голден Стејт убедлив против Детроит

Голден Стејт одигра сигурно и стигна до рутинска победа над Детроит (102:86), додека Минесота излезе како победник на гостувањето кај Њујорк (110:112) во „Медисон Сквер Гарден“.

Неизвесно било на дуелот во кој на крајот Минесота стигна до триумфот на гостински терен, а Таунс се покажа како најголем проблем за Никс, кои потфрлија во последните напади.

Таунс ги постигна решавачките поени во финишот, се истакна со добра игра во одбрана, но и 20 поени во противничкиот кош, додека Едвардс го заврши дуелот со поен повеќе. Кај Њујорк, Фурние го заврши дуелот со 27 поени.

Голден Стејт немаше проблеми со Детроит, а најефикасни во домашниот тим биле Клеј Томпсон со 21, односно Ендрју Вигинс со 19 поени.

KAT is CLUTCH 😤 pic.twitter.com/9PegzJaAzk

— Bleacher Report (@BleacherReport) January 19, 2022