Стоилковска не успеа да се справи со четвртата носителка во Шарм Ел Шеик

Македонската тенисерка, Магдалена Стоилковска доживеа пораз во второто коло на ИТФ фјучерсот во Шарм Ел Шеик што се игра за награден фонд од 15.000 долари.

Стоилковска на другата страна на мрежата ја имаше четвртата носителка Карола Патриција Беженару која се покажа како пресилен ривал за да се обезбеди пласман во четвртфиналето.

Романката која е 609-та на ВТА листата ја доби оваа пресметка по нешто повеќе од еден час игра со 2-0 во сетови. Средбата на теренот број четири донесе идентичен резултат во двата сета 6-2.

Стоилковска ќе има настап на уште еден турнир во Египет (W25 Шарм Ел Шеик), а според пријавите на тенисерките најверојатно ќе треба да игра и во квалификациите.