Стартуваше првиот шаховски воз во московското метро

Со свечена церемонија на железничкото депо „Северное“, на која присуствуваше и поранешниот светски првак Анатолиј Карпов, во Москва беше пуштен во употреба „шаховски воз“ кој ќе сообраќа на таканаречената „црвена линија“ од московското метро, позната уште и како „Соколническаја“.

Прекарот што го добива оваа композиција за транспорт во подземната железница се должи на неговата персонализација посветена на древната игра. Секој од петте вагони е посветен на различна тема од историјата на шахот: историја на играта, развојот на шахот во Русија (и претходно во СССР), најпознатите лица од светот на шахот, како и на важните факти за шахот во филмот, театарот, книжевноста…

Проектот е помогнат од светската шаховска федерација ФИДЕ, шаховската федерација на Русија, како и две компании од светот на забавата и шоу бизнисот. Замислен како „подвижна галерија“ или уште подобро „шаховска енциклопедија на шини“, овој воз на патниците им нуди разни информации и факти за играта кои би требало да го разбудат сечиј интерес: кој и е тренер на Мадона, каква колекција на шаховски комплети поседувала Мерлин Монро, па се до официјалните податоци за успесите на руските шахисти низ годините.

Фотографии: Етери Кублашвили

The first-ever chess subway train is put on track in the Moscow Metro. Anatoly Karpov took part in the ceremony https://t.co/uu1UCUQUe7

Photos by Eteri Kublashvili #CFR pic.twitter.com/0guXi2lITj

— Chess Federation of Russia (@ruchess_eng) December 28, 2021