Словенците се острат за ЕП: Најважно е да ја победиме Македонија

Селекцијата на Словенија ги започна подготовките за Европското првенство кое наредниот месец се игра во Унгарија и Словачка.

Словенците се во група заедно со Македонија, Данска и Црна Гора, а секако целта е што подалеку да отидат на овој шампионат. Првиот меч им е токму со нашата репрезентација, па тие уште од сега се острат за дуелот закажан за 13 јануари во „Феникс Арена“ во Дебрецин.

-Првата цел е да ја победиме Македонија, потоа ќе разговараме за следните ривали, -порача селекторот Љубомир Врањеш.

Во овој подготвителен период репрезентацијата на Словенија ќе има три „контролки“ против Хрватска на 29 декември и Италија (2) на 5 и 7 јануари.