Сезоната во Мото ГП ќе заврши во Португалија, Маркез дефинитивно нема да вози во Австрија

Мото ГП шампионатот официјално доби уште една трка со која ќе заврши сезоната, а конкретно се работи за натпреварот на патеката Портимао во Португалија.

Трката е закажана како последна, на 22 ноември, со што и дефинитивно оваа комплицирана сезона ќе биде заокружена со 14 трки.

Една трка повеќе е добра вест и за Марк Маркез, кој по повторената операција, ќе мора да ја пропушти и следната трка во Австрија.

Репсол Хонда денеска потврди дека актуелниот светски шампион нема да вози следниот викенд исто како и на претходните трки, а неговото место повторно ќе го заземе Штефан Брадл.

Постои надеж дека Маркез може да се врати на втората трка на „Ред Бул Ринг“ закажана за 23 август, а речиси сигурно е дека тоа ќе се случи на Мизано.