Се најде лек и за гол машината: Супербрзиот Дејвис со импресивен спринт го неутрализираше Халанд (Видео)

Поради повреда на мускулот, Ерлинг Халанд го заврши своето прво „Дер Класикер“ дерби во 72-та минута, но и до тој момент, беше одлично чуван од играчите на Баерн кои му овозможија само една стопроцентна шанса за гол.

Токму таа ситуација донесе и многу полемики бидејќи при ударот, топката заврши и во раката на Боатенг, но наспроти ова, Халанд не можеше да дојде до израз и претежно беше фантастично чуван од супербрзиот Алфонсо Дејвис.

Талентираниот бек стана апсолутен хит со своето издание во Лигата на шампионите против Челси, но цела негова сезона е за вистински поздрав, бидејќи 19-годишникот изгледа како фудбалер кој неколку години игра за Баерн.

Неговата брзина на своја кожа ја почувствува и Ерлинг Халанд, феноменалниот напаѓач на Борусија Дортмунг кој одблиску се запозна со спринтот на Дејвис.

Алфонсо го „запали“ моторот кога виде дека Халанд може да постигне гол при контра, а како супериорно го стигна и ја реши ситуацијата погледнете на следното видео….