Савевски го скрати списокот и ги избра најдобрите 20 ракометарки за баражот за СП (Фото)

По настапот на Европското првенство на кое ко-домаќин беше и Скопје, женската ракометна репрезентација е пред нови предизвици, а истите започнуваат со бараж за Светското првенство.

Стартот на месец април ќе донесе бараж двомеч со селекцијата на Украина, а поради воената состојба во оваа земја, Македонија гостувањето ќе го игра во Кишварда, Унгарија на 11-ти април.

Три дена претходно, нашите најдобри ракометарки ќе бидат домаќини во Спортскиот центар „Борис Трајковски“, натпревар кој всушност треба да биде клучен околу шансите за настап на турнирот кој ќе се игра во Данска, Норвешка и Шведска.

Селекторот Љубомир Савевски првично објави поширок список од дури 35 ракометарки, но денеска го скрати истиот и ги избра 20-те кои ќе конкурираат за настап на двата меча.

Првиот собирот на репрезентација е закажан за 03.04.2023 (понеделник) во 12:30 часот, во хотелот Александар Палас.