Рома излезе со официјално соопштение и ја откри причината за колапсот на Н’Дика (Фото)

Рома излезе со официјално соопштение за здравствената состојба на Еван Н’Дика откако фудбалерот се пожали на болки во градите на гостувањето кај Удине, натпревар кој воедно беше и прекинат поради голем страв од најлошо сценарио.

Дефанзивецот беше брзо пренесен во болницата во стабилна состојба, а после речиси 24 часа испитувања, лекарите не утврдиле никакви срцеви проблеми и било заклучено дека Н’Дика паднал на земјата поради колапс на левото белодробно крило.

– Направените кардиолошки испитувања од прв и втор степен покажаа негативен наод на кардиолошки патологии. Со оглед на последните тестови направени утрово, медицинската анамнеза е следна: Играчот обил торакална траума и имал минимален лев пневмоторакс.

– Фудбалерот е отпуштен од болница и ќе замине на дополнителни тестови во Рим. Рома сака да им се заблагодари на сите во Удинезе, на судијата Паирето, публиката присутна на стадионот во Удине и медицинскиот и здравствениот персонал во болницата Санта Марија дела Мисерикордија во Удине за нивната голема професионалност и достапност.

– Во тие избезумени минути на страв, сите заедно ги демонстриравме спортските вредности и на прво место го ставивме животот, – се вели во соопштението на Рома.

Според информациите на италијанските медиуми, Н’Дика добил удар во пределот на ребрата во првото полувреме од мечот, па токму поради тоа дошло и до колапс на едното белодробие во второто полувреме.

Evan Ndicka è stato dimesso ed effettuerà ulteriori controlli a Roma 💪

L'aggiornamento sulle sue condizioni
📄 https://t.co/G3CJ0UWbxA#ASRoma pic.twitter.com/qWauW0v1AJ

— AS Roma (@OfficialASRoma) April 15, 2024