Разиграната Македонија и одржа лекција на Црна Гора за втора победа на шампионатот

Македонската одбојкарска репрезентација издвојува победа над Црна Гора со 3-0 во втората средба на Европското првенство.

Нашиот национален тим имаше јасна цел и бодрена од публиката во СЦ „Борис Трајковски“ успеа истата да ја оствари. Популарните „спартанци“ славеа со 25-22, 25-18 и 25-20, резулат кој треба да биде доволен за пласман во наредната фаза со оглед на тоа што претходно ја совладавме и Данска.

Ние имаме 6 бода и 6-1 сет количник и ако не се случи некое чудо ќе играме во осминафиналето.

Меѓутоа претходно имаме уште неколку предизици во Скопје, првиот е утре против големата Полска, а потоа ќе се соочиме со Холандија и Чешка каде можеме да побараме повисок пласман во групата.