Ракометните јуниори загубија од Грција на ЕХФ шампионатот

Македонската ракометна репрезентација за играчи до 19 години беше изненадена на домашен терен од Грција (26:30) во рамките на групната фаза на ЕХФ шампинатот.

Нашите јуниори си ги намалија шансите за посакуваната позиција во групата со денешниот пораз, а Грците го најавија позитивниот резултат уште во првото полувреме.

По првите триесет минути тие водеа со 16:11, па Македонија не успеа да направи пресврт во продолжението и забележа пораз на првиот настап на турнирот во Скопје.

Ѓоргоски и Илиевски со по 5 голови биле најпрецизни во македонскиот состав, додека кај Грција се истакнал Коционис со 7 погодоци.

Во вториот натпревар Македонија ќе игра против Полска, која претходно веќе обезбеди убедлива победа над Грција, а победата е императив за посакуваниот пласман во полуфиналето на ЕХФ шампионатот.