ПСЖ не запира, договори уште едно одлично засилување за кое се интересираа и клубовите од Манчестер

Францускиот ПСЖ може да биде означен како апсолутен победник на трансфер пазарот во овој летен преоден рок откако успеа да ангажира неколку фантастични засилувања.

Пред се тука е ангажманот  на Лео Меси кој како слободен агент пристигна од редовите на Барселона, а ништо помалку важни не се ни ангажманите на Серхио Рамос, Џиџи Донарума, Џио Вајналдум и Ашраф Хакими.

На клубот му недостигаше само уште засилување на левата бековска позиција, а богатото семејство кое сопственик на клубот сега ќе ја исполни и таа желба на Маурисио Покетино.

Имено, во следните часови се очекува да биде официјализиран транферот на младиот фудбалер на Спортинг Лисабон, Нуно Мендеш.

Договорот веќе е комплетиран и фудбалерот на „Паркот на принцовите“ ќе пристигне првично на позајмица, а потоа ПСЖ на Спортинг ќе му плати 40 милиони евра за целосно да го откупи неговиот договор.