Претседателот на ПСЖ со искрена изјава: Редот за потписот на Белингам е навистина долг

Англија обезбеди четвртфинале на СП во Катар, а еден од најдобрите поединци во составот на Герет Саутгејт е Џад Белингам.

Иако има само 19 години, Белингам импресионира со своите настапи, дополнително разгорувајќи ја битката за неговиот потпис меѓу европските гиганти.

Претседателот на ПСЖ, Насер Ал-Келаифи во последната изјава зборувал на оваа тема, потврдувајќи дека многу клубови се застанати во редот за потписот на Белингам.

– Да бидеме искрени, Англија е среќна што има ваков фудбалер. Ова му е прво СП, неверојатно е да игра толку зрело, смирено и релаксирано.

– Нема да кријам, сите клубови го посакуваат.

– Тој е член на Борусија и мора да го почитуваме тоа, ако сакаме нешто конкретно, прво мора да зборуваме со клубот, – истакнал Ал-Келаифи.

Ливерпул и Реал Мадрид се сметаат за фаворити за потписот на англискиот репрезентативец, а Борусија ќе заработи повеќе од 100 милиони евра од овој трансфер.