Потер излезе со оценка за дебито на Фернандез во Премиер лигата

Грем Потер се соочува со се посериозен притисок како менаџер на Челси, не само поради резултатите, туку и поради фактот што газдата на клубот му обезбеди огромен број засилувања во зимскиот преоден рок.

Лондонскиот клуб донесе навистина голем број фудбалери во јануари и ќе биде потребно време за да се наредат коцките, па тоа го видовме и синоќа на локалното дерби против Фулам кое заврши со најнепопуларен резултат.

Во стартниот тим на Потер беа најзвучните засилувња Мудрик и Фернандез, а ако Украинецот доби ниска оценка и беше изваден на полувреме, Аргентинецот го одигра цел меч и покажа дека е во одличен натпреварувачки ритам.

Оценка за неговото деби даде и менаџерот, кој смета дека Аргентинецот допрва ќе се воигрува со тимот и ќе го покаже најдоброто лице за Челси.

– Оценката за неговото прво издание е многу добра. Ако се земе во предвид дека доаѓа од друга земја и тоа што не познава доволно како работиме, изгледаше навистина добро.

– Видовме блиц моменти од неговиот квалитет, видовме каков карактер поседува и ќе биде само подобар. Мислам дека одлично се справи на првиот меч и сите сме доста возбудени за тоа што го носи иднината, – изјави Потер.