Поранешен играч на Интер: Не сум изненаден од потегот на Конте

Антонио Конте направи вистинско шоу на последната прес-конференција на Тотенхем и отвори голема дебата во Англија околу тоа дали претерал со своите зборови, истовремено засилувајќи ги шпекулациите дека ќе добие отказ од клубот.

Италијанецот ги критикуваше фудбалерите и раководството, а Ешли Јанг вели дека не е изненаден од однесувањето на искусниот тренер.

Јанг соработуваше со Конте во Интер и вели тренерот има таков карактер и со гестот испратил јасна порака до фудбалерите.

– Конте е таков каков што е, без разлика дали е во соблекувалната, покрај аут-линијата или на прес-конференција, знае да избувне лесно.

– Сака само да победува, тој е голем победник и тоа е причината што има успеси каде и да работи.

– Мислам дека неговата страст кон фудбалот го направи своето и по дуелот со Саутемптон им испрати порака на фудбалерите дека бара и очекува повеќе од нив, – изјавил Јанг.