Полска ја намачи Франција на отворањето на ракометниот мундијал

Отворањето на Светското ракометно првенство во 2023-та година донесе неочекувано неизвесен натпревар за старт, бидејќи Франција едвај успеа да ја оправда фаворитската улога против Полска.

Еден од домаќините на турнирот успеа да ги намачи „триколорите“ и ги натераа добро да се испотат за првите три бода во групната фаза, бидејќи отпорот беше скршен дури на три минути пред крајот.

Франција направи предност од 25:22 и тоа се покажа како клучна разлика за победа, која на крајот беше остварена со резултат 26:24.

Полјаците имаа завршен обид да се вратат и да освојат барем бод, но немаа доволно време за такво нешто и мораа да се помират со достоен пораз од Французите.

Шичко со седум гола беше најдобар стрелец на теренот, додека Мем со шест гола беше лидер на Франција.