По 15. пат ќе игра во четвртото коло: Надал го реши најтешкиот предизвик во Мелбурн (ВИДЕО)

Најквалитетниот шпански тенисер, Рафаел Надал ја оствари третата победа и по петнаесетти пат во кариерата обезбеди место во четвртата рунда на Австралија Опен.

Надал денеска го имаше најтешкиот досегашен предизвик на турнирот, битка со еден од најдобрите руски тенисери Карен Хачанов кого по три часа игра го совлада со 3-1 во сетови.

Бикот од Мајорка беше сигурен во првите два сета кои ги реализираше со 6-3 и 6-2 по што во третиот имаше одреден пад, противникот еднаш му го одмеза сервисот што беше доволно за Хачанов за слави со 6-3.

The dream is still alive ✨

🇪🇸 @RafaelNadal defeats Karen Khachanov 6-3 6-2 3-6 6-1 to advance to the fourth round at the #AusOpen for the 15th time.#AO2022 pic.twitter.com/MRVpuFm5JM

— #AusOpen (@AustralianOpen) January 21, 2022

Сепак одговорот на Рафа веднаш стигна и го затвори мечот со 6-1 и сега мирно ќе може да го дознае следниот ривал, подобриот од натпреварот Карацев-Манарино.