Лига на шампиони
Пенал рулетот за „кралевите“: Реал го детронизираше европскиот шампион Сити (Видео)
Манчестер Сити нема да има шанса да го брани трофејот во Лигата на шампионите во самата завршница на актуелното натпреварување, откако вечерва загуби од Реал Мадрид во пенал рулетот откако вкупниот резултат по два одиграни натпревари беше 4:4.
Актуелниот европски првак е детронизиран од најуспешниот клуб во Лигата на шампионите, а во двомеч во кој одлучуваа нијанси и малку доза на среќа, на крајот поуспешни беа избраниците на Карло Анчелоти.
Реал очекувано му ја препушти топката на Сити и се закануваше од контра напади, па токму по една таква ситуација поведе со 0:1 со голот на Родриго.
Сити брзо се обиде да возврати преку Халанд ја погоди гредата, но за вистинските возбудувања пред голот на Лунин чекаше до второто полувреме, кога избраниците на Пеп Гвардиола фрлија се на една карта.
Голема живост во играта на Сити внесе Жереми Доку и по една негова акција топката заврши во мрежата на Реал, а стрелец на голот беше Кевин Де Брујне. Токму Белгиецот ја имаше топката за полуфинале на Манчестер Сити во следната опасна акција пред голот на Лунин, но Де Брујне ја испрати топката над голот и на крајот мечот заврши 1:1 во регуларниот дел.
Во дополнителните 30 минути игра, двата тима останаа без енергија и не гледавме опасни шанси, па на крајот решаваа ударите од 11 метри во кои поуспешни беа гостите. Иако пенал рулетот почна со гол на Алварез и нереализиран пенал на Модриќ, Бернардо Силва и Ковачиќ изведоа катастрофално во следните две серии, па со тоа му го трасираа патот на Реал до полуфиналето во кое силите ќе ги одмерат со Баерн Минхен.
-
Шпанијапред 21 час
Најдобриот асистент во Примера сонува да игра за Барселона: Toa e еден…(ВИДЕО)
-
НБАпред 24 часа
Клиперс ја доби пеколната битка со Далас во Тексас, „метла“ за Феникс (ВИДЕО)
-
Шпанијапред 23 часа
Левандовски посочи кои се најдобрите играчи на светот: Тие се неверојатни
-
Англијапред 15 часа
Премиер лигата пред воведување на правило кое ќе ги ограничи трошоците, само три големи клуба гласале против
-
Репрезентацијапред 21 час
Лазаров ќе смета на 20 ракометари за баражот со Фарски Острови (ФОТО)
-
Шпанијапред 19 часа
Анчелоти сакал да донесе голема ѕвезда во Реал, Перез кажал „НЕ“ за трансферот
-
Лига на шампионипред 13 часа
Анчелоти му одговори на Силва, па се фокусираше на утрешниот ривал: Имам фантастични спомени од една легенда на Баерн
-
Лига на шампионипред 9 часа
Тухел типува кој играч на Баерн ќе постигне гол против Реал: Не знам зошто, но сигурен сум во тоа