Пантер и Лесор го искоментираа убедливиот пораз на Црвена Звезда во Истанбул

Црвена Звезда не само што не успеа да му помогне на големиот ривал Партизан во Евролигата, туку доживеа рекорд пораз на гостувањето кај Анадолу Ефес.

„Црвено-белите“ загубија со неочекувани 100:55 и на тој начин ја потврдија елиминацијата на Партизан и фактот дека Србија нема да има свој претставник во плејофот на европското елитно натпреварување.

Ваквиот епилог очекувано не им се допадна на членовите на белградскиот ривал, па дел од нив и го коментираа епилогот на социјалните мрежи.

Прв се јави Кевин Пантер, кој со кратко „Многу очигледно“ го искоментира според него очекуваното сценарио на натпреварот меѓу Ефес и Црвена Звезда.

Нешто подоцна, на својот поранешен соиграч се надоврзал и Матијас Лесор, кој од Партизан замина во редовите на Панатинаикос.

– Ова е смешно. Мамењето на играта никогаш не помага, бидејќи кармата е кучка,  – напишал Лесор.