Не ја поднесе разделбата со играчот на Баерн: Се самоуби екс девојката на Боатенг, една недела по нивното раскинување

Поранешната девојка на фудбалерот на Баерн Минхен, Жером Боатенг, е најдена мртва во стан во Берлин само една недела откако парот ја раскинал врската.

25 годишната Касиа Ленхард била пронајдена мртва во станот кој бил во сопственост на фудбалерот, а официјалните белешки на полицијата говорат дека таа извршила самоубиство.

Ленхард се забавувала со Боатенг 15 месеци, а парот јавно пред само една недела објави дека ја раскинува врската обвинувајќи се меѓусебно за тоа кој е виновен што дошло до такво нешто.

Касиа го нарекла Боатенг „ѓавол“ и во германските медиуми зборувала дека ќе раскаже каков човек е веднаш штом се соземе од разделбата. Боатенг пак ја обвинувал дека таа го саботирала и не му дозволувала да ги гледа своите деца.

– Во Чарлотенбург вчера околу 20:30 имаше полициска акција поради сомнеж за самоубиство. Во станот е пронајдено безживотно тело на кое нема знаци за повреди од трето лице, -стои во дел од официјалниот полициски извештај.