Не е само Меси: Барселона сака играчи кои се слободни, ова се асовите кои се потенцијални засилување за наредната година

Барселона има јасен план и стратегија кога станува збор за трансфер пазарот на кој сака да ги искористи сите можности за да дојде до што подобри играчи без да плати ниту еден денар како обештетување.

Каталонците за оваа сезона така ги донесоа Ектор Белерин, Маркос Алонсо, Франк Кеси и Андреас Кристенсен, па во тој стил сака да продолжи и во 2023 година. Веќе се знае дека најголема желба е Лионел Меси, но има уште неколку асови на кои им завршуваат договорите и Барса ги гледа како потенцијални засилување.

Имено според „Мундо Депортиво“ на таа листа освен Меси се уште дефанзивецот на Атлетик Билбао, Ињиго Мартинез, потоа Жоржињо од Челси, Марко Асенсио од Реал Мадрид, Милан Шкриниар од Интер, Н’Голо Канте од Челси, Хосе Гаја од Валенсија, Јуру Тилеманс од Лестер и Диого Дало од Манчестер Јунајтед.