Милано ја прекина црната серија против Реал, Херисон со звукот на сирената донесе драматично славје за Олимпијакос (ВИДЕО)

Составот на Олимпија Милано ја прекина црната серија и славеше над Реал Мадрид со 78-70 во средбата од 4. коло во Евролигата.

Италијанскиот клуб влезе во овој дуел со 14 порази во низа во пресметките со „кралевите“, а првото полувреме најавуваше дека серијата ќе продолжи со оглед на тоа што клубот од Мадрид ги доби првите 20 минути со 42-31. Сепак во продолжение работите комплетно се променија, избраниците на Месина одигра фантастично како во нападот така и во одбраната и со тоа си го отворија патот за пресврт и славје против Реал по долга пауза.

Родригез со 25 поени, 4 скокови и 7 асистенции беше играч број еден со дури 37 индексни поени, а добар впечаток остави и Шилдс со 19 кошеви и 7 скокови. Кај Реал најдобар стрелец беше резервистот Томпкинс со 15 поени.

Олимпијакос по една вистинска драма ја доби битката со Макаби Тел Авив со 85-82. Прво Вилбекин постигна тројка за израмнување на 82-82 за да потоа домаќините добијат шанса за триумф, шанса која ја искористија преку Херисон кој беше побрз од сирената и со погодок за три поени донесе победа за составот од Пиреја.

Херисон даде 12 поени, Везеков 14, Спанулис 11, а пак центарот Мартин 16 кошеви. Вилбекин со 18 поени беше прво име во редовите на гостите од Тел Авив.

Останати резултати:

ЦСКА М.-АЛБА Б. 88-93

ФЕНЕРБАХЧЕ-БАЕРН М. 71-75

БАСКОНИЈА-ХИМКИ 77-70