Одбојка
Македонија го врати загубениот сет од Босна, но немаше сили да ја изненади фаворизираната Турција
Македонската одбојкарска репрезентација беше приморана да го подигне нивото од натпреварот со Босна и Херцеговина и покрај тоа што оствари триумф, но откако не го направи тоа доволно колку што се очекуваше, поразот оваа вечер беше неизбежен од далеку подоброрангираната селекција.
Турција како главен фаворит пристигна на двата квалификациски турнири во Скопје, а денеска го оправда таквиот статус и се покажа како далеку поконстантен тим на теренот во одиграните четири сета во салата „Борис Трајковски“.
Противничката селекција го доби првиот сет со 25:16, а македонските избраници најдоброто свое издание го имаа во вториот сет во кој одиграа перфектно и кој треба да биде пример за преостанатите два натпревари на вториот турнир во престолнината. Милениците на Матијашевиќ беа фантастични во одбрана и во напад и возвратија со 25:18, но потоа на стартот на третиот сет имаа пад, а воедно и беа деморализирани од четирите аса во низа на Арслан.
Турција брзо се одлепи на семафорот и поведе со 2:1 со уверливи 25:18, а четвртиот сет беше уште поедностран и фаворитот ја прокнижи втората победа со 25:12.
Добра вест за нас од овој натпревар е што освоивме еден сет и тоа ќе биде многу важно кога е во прашање сет количникот, бидејќи пласман на Европско првенство обезбедува и второ место. Македонија сега утре ќе мора да оствари чиста победа против Босна и Херцеговина со 3:0, а потоа одново ја чека дуел со Турција пред конечната разврска на резултатите и од другите квалификациски турнири.
-
Англијапред 9 часа
Де Брујне го постигна првиот гол со глава, Сити убедлив на „Амекс“ (ВИДЕО)
-
Шпанијапред 19 часа
Анчелоти ја искоментира конечната одлука на Чави и откри дека Куртоа направил чудо изминативе две недели
-
Англијапред 20 часа
Фоден за својот омилен играч од Реал: Никогаш немам видено нешто слично
-
Шпанијапред 18 часа
Чави детално објасни зошто ја променил одлуката: Не станува збор ниту за его, ниту за пари!
-
Англијапред 24 часа
Тен Хаг до критичарите: Видов само две негативни работи
-
Англијапред 23 часа
Клоп им се извини на навивачите на Ливерпул и издвои двајца играчи на Арсенал кои направиле разлика во шампионската трка
-
Италијапред 16 часа
Бокшиќ со трансфер предлог до „старата дама“: Јувентус треба да го доведе играчот кој е бакнат од Бог
-
Францијапред 21 час
Фудбалски деликатес: Неверојатниот дриблинг на Мбапе ги зачуди фановите (Видео)