Лопетеги лут на судиите: Можам да напишам книга со нивни грешки

Вулверхемптон денеска загуби на домашен терен од Лидс, во директен дуел со една од екипите кои исто така се бори за опстанок во Премиер лигата.

„Волците“ останаа без бодови од дуелот, а менаџерот Хулен Лопетеги смета дека судиите го оштетиле неговиот тим.

– Не можам да поверувам во судиските одлуки откако дојдов во клубот.

– Кога повеќе пати ќе се повторат истите грешки против вашиот тим, очекувано е да сметате дека некој треба да си го одработи своето на подобар начин. Не ми се потребни извинувања, сакам само фер однос кон нашиот тим.

– Можам да напишам книга со вакви несреќни одлуки на наша сметка, се прашувам кога еднаш некоја одлука ќе биде во наша корист.

– Само денеска судијата направи неколку грешки, гледаше и снимки и повторно не се поправи, – изјавил Лопетеги.