Ливерпул го обезбедил и второто засилување во новиот преоден рок

Ливерпул ќе ангажира неколку засилувања во средниот ред во летниот преоден рок, а премиерлигашот веќе го промовираше аргентинскиот репрезентативец Алексис Мек Алистер како свој нов играч.

Според англиските медиуми, втор на списокот ќе биде новиот француски репрезентативец Кефрен Тирам.

Синот на легендарниот Лилијан е член на Ница и веќе ги договорил личните услови со Ливерпул, по што наскоро се очекува премиерлигашот формално да испрати понуда до францускиот клуб.

Тирам е универзален играч во средниот ред, па иако започнал на подефанзивна позиција, во последната сезона добивал и поофанзивна улога.

Ливерпул мора да инвестира во средниот ред по неубедливата сезона и по заминувањето на Кеита, Милнер, Окслејд-Чембрлен и Артур, а имајќи ја предвид и возраста на фудблери како Фабињо и Хендерсон.